Raffy Asebias for Governor Movement
Hin-o hi Atty. Rafael " Raffy S. Asebias?
Hiya in anak nira nawara ANACLETO LAVILLA ASEBIAS SR. (nga anak nira nawara Carpio Celis Ty Asebias ug Luciana Valdemoro Lavilla), ug PAULINA MACASE SACENDONCILLO (nga anak nira nawara Luciano Abingona Sacendoncillo ug Esperanza Dizon Macase). Hi Atty. Raffy in may ada unom (6) nga kabugtuan, amo hira:
1. Rev. Fr. Anacleto S. Asebias Jr. - nagin kura paroko ha San Ramon Nonatus Parish, Artheche; ha San Joaquin Parish, Dolores; ha Immaculate Conception Parish, Guiuan; Team Moderator ha Our Lady of Nativity Parish, Borongan City; ug nagin Rector ha Seminario de Jesus Nazareno, Borongan.
2. Engr, Jorge S. Asebias - retired Municipal Engineer han LGU-Quinapondan.
3. Lourdes Asebias Cabutin - retired school principal
4. Reynaldo S. Asebias - Graduate of Marine Engineering
5. Dr. Evelyn Asebias Miflores -Physician
6. Ethel Asebias Bernardo - Medical Technologist
Hiya in naka asawa kan MARICHU ALCONABA CHUA nga taga Guiuan nga anak nira Casiano "Ponga' Chua, nga taga Guiuan, ug Milagros "Miling" Claro Alconaba nga taga Brgy. Cabong, Borongan City. Hi Milagros "Miling" Claro Alconaba in anak nira Sotero Caspe Alconaba ug Pacuala Abenis Claro nga mga Boronganon.
Anu an iya plataporma?
1. Pagpatuman hin Programa para ha Sustainable Agriculture & Fisheries Development para maibanan an kapobrehan. Magpapauswag gihapon hin Agri & Eco-tourism komo importante nga bahin han pag-uswag han ekonomiya.
2. Paghimo hin Participatory Governance mechanism nga may tinuod ngan dekalidad nga partisipasyon han CSO ha Local Development Council ngan iba pa nga mga special bodies. Magsusuporta ngan magpapatubo hin Provincial Peoples Council nga magigin kabulig ha pagplano han Social Development, paghimo hin badyet, ngan pagmonitor han pagpatuman han mga proyekto.
3. Pagpatuman hin Transparency Policies ha tanan nga transaksyon han gobyerno probinsyal para maundang an korapsyon han pondo han gobyerno ngan magpili hin CSO third party Audit para masiguro an check and balance.
4. Pagpanalipod han mga nahibibilin nga Natural resources & Biodiversity han Probinsya. Pagderi ha tanan nga aktibidad ha pagmina ngan pagtroso nga makakaguba han aton kagurangan, pag-abuso han aton mga mineral, ngan pag-hugaw han aton mga tubig.
5. Paghimo hin Right-Based and Sustainable Social Protection program para mapauswag an kahimsog han mga katigurangan, kababayen-an, kabataan, ngan mga PWDs.
6. An Disaster Risk Reduction Fund han Probinsya in magin patas nga iginbahin ngadto ha mga munisipyo nga kulang hin pondo ngan kapasidad ha paghimo hin mga plano para ha pagpangandam hin mga kalamidad ngan pagbaton hin mga emergency.
7. An programa hin Scholarship para ha mga batan-on pagbabag-ohon para masiguro nga an tanan nga interesado ngan kwalipikado nga estudyante makakarawat hin padayon nga suporta tikang ha senior high school tubtob ha paggradwar ha kolehiyo.
8. Igo nga pondo ig-aallocate ha Provincial ngan District Hospitals para magkaada kapasidad ha pagkuha hin bag-o nga mga doktor ngan espesyalista ngan pagpalit hin kinahanglanon nga mga kagamitan medikal ngan dekalidad nga mga tambal para mapauswag an mga serbisyo para ha mga tawo han Eastern Samar.
